Përkujtohet 12 vjetori i daljes në skenë të UÇPMB-së

Në Bujanoc me një akademi solemne u shënua 12 vjetori i daljes në skenë të Ushtrisë Çlirimtare për Preshevë, Medvegjë dhe Bujanoc.

”E filluam kur ishim të bashkuar” ishte motoja e aktiviteteve të ndryshme të organizuar  nga Organizata e Veteranëve të UÇPMB-së në Luginë.

Kryetari i OVL të UÇPMB-së, Ramadan Ismaili theksoi rolin dhe rëndësinë e kësaj ushtrie për parandalimin e dhunës shtetërore Millosheviqit.

"Gjithmonë veprat e mëdha i kanë njerëzit e mëdhenj të cilët u qëndrojnë prapa, andaj sot jemi mbledhur këtu që t`i  nderojmë ata, e ata janë Dëshmorët e luftës së lavdishme”, theksoi Ismaili. 
Në këtë akademi ishin të pranishëm  përfaqësuesit politkë e institucional   të shqiptarëve të Preshevës e Bujanocit, familjar të dëshmorëve, invalid e ish ushtar të UCPMB-së.

Ushtria Çlirimtare për Preshevë, Medvegjë dhe Bujanoc është demobilizuar në maj të vitit 2001 si domosdoshmëri e respektimit  të Marrëveshjes së Konçulit të arritur mes palës shqiptare dhe asaj serbe në ndërmjetësimin e NATO-së si forcë ndërkombëtare. (Rijad Demiri/INA)