Senatori Mark Kirk pësoi goditje në tru

Senatori republikan i Illionisit, Mark Kirk dje ka pësuar një goditje në tru dhe menjëherë i`u nënshtrua një operacioni emergjent. 

Nga Spitali Northwestern Memorial në Çikago kanë bërë të ditur se pas operacionit, gjendja e senatorit Kirk është duke u përmirësuar. 

Një zëdhënës i Kirk theksoi se senatori 52-vjeçar, ishte  ankuar tek mjeku i tij se "gjatë fundjavës kishte pasur disa ndjenja të çuditshme në të majtë të trupit të tij si mpirje këmbë në krahun e majtë dhe një shikim më shumë të bardhë.

Senatori Kirk kishte arritur që vetë të shkojë një Spitalin Northwestern Lake Forest Hospital në qytetin Lake Forest, ku mjekët zbuluan se ai kishte marrë një goditje të lehtë karotide, në njërën prej arterieve në anën e djathtë të qafës së tij.

Dr Richard Fessler, mjeku që kreu operacion bëri të ditur se  Kirk ishte me fat ngaqë sipas tij goditja kishte ndodhur në anën e djathtë të trurit të tij dhe nuk ka prekur fare anën e majtë të trurit, e cila është shumë e rrezikshme për jetën ose lënien me pasoja në të tilla raste.

“Ne jemi me shumë shpresë që faza e rrezikshme të ketë kaluar dhe ne po marrim të gjitha masat  të rimëkëmbjes, dhe të ri-kthejmë të gjitha këto funksione që janë të paprekura", theksoi Dr.Fessler.

Ish Kongresmeni Mark Kirk, kandidati nga Partia Republikane në Illinois, i cili u fut në garë për të zënë vendin e senatorit që la Presidenti Barack Obama, nga Partia Demokrate, duke në garuar me kandidatin demokrat Alexi Giannoulias, mori mandatin e senatorit në zgjedhjet e fundit.

Ish - kandidati republikan nga Illioni Mark Kirk për karrigen në Senatin Amerikanë në zgjedhjet e vitit 2008, fitoi me një diferencë fare të vogël, dhe është aktualisht Senatori i Illionit me një mandat 5 vjeçar. Senatori Mark Kirk për shqiptarët, është i njohur si një ish-pilot i bombarduesve "F-16", i cili, fluturoi që nga dita e parë 24 marsi 1999, me misione ushtarake mbi Serbi gjatë fushatës 78 ditore, të sulmeve ajrore të NATO-s, në çlirimin e Kosovës.

Senatori republikan, Mark Kirk, e ka vlerësuar shpesh herë dashurinë e madhe që ka populli shqiptarë për Shtetet e Bashkuara- duke treguar se sa shumë pro amerikanë është populli shqiptarë. Shqiptarët e Amerikës e kan mbeshtetur vazhdimisht fushatën e tij për ç'ka edhe ai u është shprehur mirënjohës.

(Beqir Sina/INA)