Mbi 57 për qind e qytetarëve të kënaqur me punën e Parlamentit

Qytetarët në Maqedoni janë të kënaqur me punën e Parlamentit, bën të ditur hulumtimi i realizuar nga Instituti për Demokraci dhe Fondacioni ëestminster. 

Sipas anketës së zhvilluar nga 20 deri 23 janar përmes telefonit, 57,8 për qind e qytetarëve janë të kënaqur me punën e Parlamentit, ndërsa 34,3 për qind kanë mendim negativ. 

Mbi 37,4 për qind vlerësuan si efikase punën e Parlamentit, 27,9 për qind pjesërsisht efikase dhe 13,7 për qind plotësisht joefikase. 

Qytetarët kanë theksuar se deputetët duhet të tregojnë më shumë iniciativë për përgaditjen dhe propozimin e ligjeve, dhe në këtë drejtim janë deklaruar 87,6 për qind. 

Deputetët e zonave 4 dhe 6 zgjedhore janë më shumë të pranishëm tek qytetarët, ndërsa ata të zonës 5 janë më pak të pranishëm.  

Në anketë janë përfshirë anketues të të gjitha komuniteteve, 72 për qind maqedonas, 23 për qind shqiptarë dhe 4,6 për qind komunitete tjera. (INA)